SATURUNAN PANGGIH KU TEKNOLOGI

SAMPURASUN BARAYA
Mugia rahayu sagung dumadi.

Bubuka carita:

Kamajuan teknologi jaman kiwari tos teu aya deui batasana pikeun dimanfaatkeun kanggo balarea ti komunikasi ngalangkungan sora, gambar, tulisan, video oge video confrence atanapi sering disingkat "VC" jarak teu aya masalah informasi ti tek-tek dugi ka benget tiasa di akses ku kamajuan tekhnologi jaman kiwari.

Rupi-rupi media sosial anu tiasa di anggo kanggo komunikasi sepertos telpon, sms, messanger, twitter, path, whatsup oge fecebook. Sadaya bentuk komunikasi mangrupakeun gabungan dua system teknologi nyaeta teknologi telekomunikasi sareng teknologi system informasi (ngolah data ngajadikeun gambar jeung sajabana nu disebat "Digital Technology"). Ti jaman ka jaman ieu tehnologi teras berkembang ku ayana para ahli pikeun kasejahteraan manusa dina hirup jeung kahirupan di alam pawenangan.

Pami urang flash back ka jaman kapungkur jaman nini aki urang teu maido tekhnologi samacam eta tos aya gambarana, ngan leuwih kana spritualisasi. Dumasar jaman pra-teknologi, nu aya kieuna oge masih katingal kasar. Teknologi sora jeung gambar (Radio, TV) masih dianggap teknologi nu paling aheng di jaman eta, can aya anu disebat telpon mah ngan dina nilai nilai spriritual tos aya gambaran samacam khabar anu hoyong katampa tinu jauh, ku kabersihan hate oge olah bathin jarak anu jauh tiasa di monitor kaayaana. Tah kiwari mah tos di buktikeun ku para ahli ngajadikeun sababaraha alat nu di guar ku pribados di luhur.

Aya kocap kolot baheula kieu ceunah  Tah kabukti di jaman kiwari."Jang engke mah bakal aya nu gelo ginding, seuseurian sorangan bari mamawa alat". Handphone anu jadi primadona teknologi kominikasi anu ngabuktikeun kocap kolot tadi, naha kitu sok pala wargi tingal di jalan, di warung, di sabudeuren urang kadang sok aya jalma bari nyepeng eta alat (Handpon) seuseurian sorangan (maca whatsup, jeung messenger) malah mandar manadar aya nu cacalawakan/nyanyi (smule), nyata luar biasa ramalan kolot urang baheula.

Dina ngaguar ieu masalah kamajuan teknoplogi tiasa janten kahadean oge sabalikna, teu hadena gumanatung pribadi masing-masing dina mangfaatkeun eta teknologi. Hiji kajadian pribados (pribados ge penggemar teknologi sosial media diantarana facebook jeung whatsup), kieu caritana:

Pribados gaduh akun facebook active, dina beranda umum aya status nu teu pira ngan dua tilu baris ngeunaan banjir di salah sahiji Provinsi Jawa Barat tepatna Bandung Selatan Wilayah Dayeuh Kolot Kampung Parung Halang. Setiap banjir di sabudeureun wilayah eta sok leuwih tinu sejen narima eta wabah caina kusabab bahula na salah dina tata ruang ngeunaan wilayah eta pen.

Pribados harita males status anu di dameul ku salah sahiji akun, teu pira ngan nyobaan nitipkeun pun raka supaya di longok (heureuy tadina mah dasarna ku nyebat kampung anu ku pribados di jelaskeun di luhur). Kumaha kondisina alesan pribados eta anu gaduh akun teh salah sahiji anggota LSM di wilayah eta, nya pribados guntereng silih males dina eta rohangan. Dina salah sahiji caritaan asa nyangked ka salah sahiji turunan di wilayah eta, saterasna pribados ngamimitian muka sejarah oge katurunan.

Alloh SWT maha kuasa oge tos kitu panginten kedahna eta anu gaduh akun teh salah sahiji buyut ti turunan Kampung eta pami dirunut ku pribados, pribados teh katelahna "UWA" kanu gaduh akun/status eta. Subhannaloh "SATURUNAN PANGGIH KU TEKNOLOGI" . Tah salah sahiji mangfaat tina media sosial pami urang bener-bener ngelola kanggo kamaslahatan hasilna malah mandar janten leuwih ti sakadar bersosialisai janten tiasa nyaketkeun nu jauh oge ngaraketkeun anu caket ku perkembangan teknologi kiwari.

Sakitu ti Abah, cag ahh ...
Hapunten lahir sinareng batin.

Share: